Мин елыйм, сине сагынган саен...

Сандугачка серен сөйли 
Өй артында ак каен 
Шул каенга сыенып елыйм
Сине сагынган саен.

Мин елыйм, мин елыйм
Сине сагынган саен.

Җырчысын сагынып, ак каен
Көтеп ала май аен.
Ник булмадык икән лә без
Мин – сандугач, син – каен?

Ник булмадык, ник булмадык
Мин-сандугач, син каен?

Алар бездэн бәхетлеләр – 
Гөрләшәләр таң саен.
Ялгыз җанымны яндырма,
Бергә булыйк – тап җаен.

Җанымны яндырма.
Бергә булыйк – тап җаен.