Маржа йа1 дахар хьа (New 2014) [exclusive M95]

I. Малх схьакхеташ, д1абузуш
Дахаро шен болар до.
Вай къандала ца лууш
Бахьанаш ма лела до.
Едда яхна бералла
Вайна цкъа а йиц ца ло.
Хуьлу х1инца дера са
Къар ца луш им тийсало.

Припев :
Маржа йа1, хьо доца дахар
Ганза дисна х1ун ду те.
Ирсе волуш ваьхна бахар
Тоъалц ваьхнарг хир вуй те.
Маржа йа1, ас йина ойла
Йоьлхуш лела йисна хьо.
Сан бералла йолчу ойлахь
Хьуна-м хьой бен цхьа ца го.

II. Ненан марзо, ненан кхерч
Х1ора денна лоьху вай.
Ненах доьзна хилла дерш
Ирсана диллина т1ай.
Дахар доьвзина къаной
Церан хаза хьехамаш.
Царах лаьцна г1ан а гой
Г1уьтту дагалецамаш.

Припев :
Маржа йа1, хьо доца дахар
Ганза дисна х1ун ду те.
Ирсе волуш ваьхна бахар
Тоъалц ваьхнарг хир вуй те.
Маржа йа1, ас йина ойла
Йоьлхуш лела йисна хьо.
Сан бералла йолчу ойлахь
Хьуна-м хьой бен цхьа ца го.

III. Шан-ша ваьхна меттигаш
Безам хеташ юьйцура.
Х1етахь хилла г1иллакхаш
Ойлано т1етуьйсура.
Хорам хилла дисча са
Б1аьрхиш гена дисира.
Х1ай, сан ирсе, хаза хан
Хьо ма генахь йиссина.

Припев :
Маржа йа1, хьо доца дахар
Ганза дисна х1ун ду те.
Ирсе волуш ваьхна бахар
Тоъалц ваьхнарг хир вуй те.
Маржа йа1, ас йина ойла
Йоьлхуш лела йисна хьо.
Сан бералла йолчу ойлахь
Хьуна-м хьой бен цхьа ца го.