Аба эжым хайратай

Намарай хүйтэн ольбондо 
Нэрыем манаһан эжым хайратай
Нялха наһанайм хайранда
Үлгыем хэһэн абам хайратай.

Үбэлэй һүниин утаханда
Үргэһэн манаһан эжым хайратай
Балшархан наһанай үендэ 
Байдалым заһан абам хайратай.

Хабарай хагсуу һалхинда
Наадахыем хараһан эжым хайратай
Айдархан наһанайм баянда
Харгыем заһан абам хайратай.

Зунай халуун сагта
Зүлгэ гэшхүүлһэн эжы хайратай
Залуухан наһанай хайранда
Замыем заһан абам хайратай.