Пеледыш пайрем

Пеледыш пайрем 

Мутшо Л. Иксанован, семже С. Яндукован

Пеледыш пайрем Марий Элыште, 

Йошкар-Олаштемже – пайрем. 

Йоҥга марий муро уремыште, 

Марий тувыран калыкем. 

Пеледыш пайрем, Пеледыш пайрем –

Шонанпыл гай веле урем. 

Куан йырымваш, моткоч весела –

Ме таче ул(ы)на пиалан!

Пашам пытарен, ял калык кана. 

Олаште - мотор рушарня. 

Мурен да куштен, пырля эртена,

Воктене эн сай йолташна! 

Пеледыш пайрем, Пеледыш пайрем –

Шонанпыл гай веле урем. 

Куан йырымваш, моткоч весела –

Ме таче ул(ы)на пиалан!