На реце Вавилонстей

Псалом 136, 1 статья. Демественный распев.
(1907)

рук. П. В. Цветков (1881-1911)

На реце Вавилонстей, тамо седохом и плакахом, внегда помянути нам Сиона.

На вербии посреде ея обесихом органы наша. 

Яко ту вопросиша нас пленьшии нас, словес песней, и ведшии нас, пение.

Воспойте нам от песней Сионских. Како воспоем песнь Господню на земли чуждей?

Аще забуду тебе Иеросалиме, забвена буди десница моя.

Прильпни язык мой гортани моему, аще не помяну тебе, аще не предложу Иеросалима, яко в начало веселия моего.

Помяни Господи сыны Едомския, в день Иеросалимль, глаголющия, истощайте, истощайте до основании его.

Дщи Вавилоня окаянная, блажен иже воздаст тебе воздаяние твое, еже воздаде нам.

Блажен иже имет и разбиет младенцы твоя о камень.