Каскалдак

Қара бауыр қасқалдақ, қайда ұштың пыр-пырлап?
Сазың қалды сәбидiң еңбегiндей былқылдап.
Қара бауыр қасқалдақ, керi қайт,
Сиреп қалған тоғайға «қамықпа» деп көңiл айт.

Ұя қалса иесiз - айдын үшiн сол қайғы,
Қаңғып келген шүрегей көлге пана болмайды.

Өз босағаң - бұл жердiң тауы, қыры, белесi,
Босағасын басқаға тастай ма екен, о, несi.
Қара бауыр қасқалдақ, керi қайт,
Сиреп қалған тоғайға «қамықпа» деп көңiл айт.

Ұя қалса иесiз - айдын үшiн сол қайғы,
Қаңғып келген шүрегей көлге пана болмайды.