Уралым мондарына

Мин белмәмен ер шарының,
Һинһеҙ, минһеҙ әйләнгәнен.
Беләм ҡайғы шатлығыңа,
Яҙмышыңа бәйләнгәнмен.

Һарылғанмын һағышыңа
Сорналғанмын сәстәреңә,
тамсы булып һарҡылғанмын
Һинең гэзиз йәштәреңә.

Уралғанмын моңдарыңа
Уйылғанмын уйҙарыңа.
Сыҡмаҫ өсөн юлыҡҡанмын
Һинең барыр юлдарыңа.

Кисеүҙәр юҡ, кисеүҙәр юҡ,
Кисалмаган мин диуанаң,
Һин булғастың китеүҙәр юҡ,
Китеүҙәр юҡ был донъянан.

Мин белмайем ер шарының,
Һинһеҙ, минһеҙ әйләнгәнен.
Беләм ҡайғы шатлығыңа,
Яҙмышыңа бәйләнгәнмен.

Һөйөү менән, әйләндем мин
Мәңгелеккә, мәңгелеккә,
Әйҙә ерем елэйек гелән 
Изгелеккә, игелеккә.