Толгау - Гульнур (Гүлнұр) Оразымбетова

Домбыраның үні

Кенеттен үзілді,

Үзіліп қалған-ай,

Ой, жалған-ай!

Домбыраның үні

Кенеттен үзілді,

Көзден жас тамған-ай,

Ой, жалған-ай!

Қазақ - көшпелі елім,

Қайғы кешкен елім.  

Туып өскен елім,

Ой, жалған-ай!

Мұңды боз далам-ай,

Бота боздағаны-ай,

Жанды қозғағаны-ай,

Ой, жалған-ай!

 

Қайырмасы:

Алыстап арамыз-ай,

Біз де өтіп барамыз-ай.

Сыздатқан жарамыз-ай,

Аманат даламыз-ай.

 

Домбыраның үні

Кенеттен жалғасты,

Толқындар алмасты,

Ай, арман-ай!

Дала көші дала,

Шексіз ұлан дала

Самға қыран бала,

Ай, арман-ай!

Азапқа зар болмай,

Жарқын жанарың-ай.

Биік назарың-ай,

Ай, арман-ай!

Бастады Елбасы,

Құдайым қорғашы,                      

Тәңірім қолдашы,

Ұлы елімді!