Eitt dýpi av dýrari tíð

SO VERÐUR SAGT AV MONNUM,

AT LÍVIÐ ER MARKLEYS NEYÐ

EITT DÝPI AV GRÁUM DØGUM,

OG BØRN ÍÐ BIÐUM BREYÐ

KANSKA ER LÍVIÐ SORGARLAG;

KANSKA ER LÍVIÐ GOTT

OG KANSKA EG EIN SKÍNNANDI DAG

BERI KENSLU AV MYRKARI NÁTT

Í NÁTT ER LUFTIN SO REIN OG KLÁR

BLÁBJÚP OG ÍSANDI KØLD

FOLDIN HVÍLIR Í HVÍTARI TØGN

OG NORÐLÝSIÐ REISIR SÆR TJØLD

OG VIT MÍTT ER FULT AV TONKUM

Á FERÐ ÚT Á VÍÐAN VEG

AT FINNA Á MIÐLEYSU NÁTTARGONGD

TANN VÍSDÓM Í UGGAR MEG

MEN ONGAN VÍSDÓM EG FINNI

ÍÐ SIGA TEY SONNU ORÐ

SUM BLØÐANDI FUGLAR FALLA TEY

AFTUR Á HVÍTARI FOR

TÓ EG VEIT AT DÝRGRIPIR FINNAST

OG FJALAST VIÐ GRÁAN EIM

TÁ GENTUR OG DREINGIR SPENNA

SUM FOLAR Í DANS OG GLEIM

TÁ BARMUR MÍN SPENTUR AV UNDRAN

AV EYDNU AV TUNGARI TRÁ

AV IVA OG SORGALØGUM EISINI EISINI TÁ

:,: VEIT EG AT LÍVI ER GÁVA

EITT DÝPI AV DÝRARI TÍÐ

SUM ØLL SKULLU VALLA ÍGJØGNUM

REKAST OG VILLAST INNÍ.