Зэнгэр кулмэк

Узган яшьлек сыман
Ярсу көзләр ерак.
Агалар да еллар агалар..
Еллар сәйләнендә,
Гөлләр бәйләнендә
Шиңми торган яшьлек җыры бар.

Үткәннәрдә калган,
Сүнмәс өчен янган
Хыял утларына табынам..
Зәңгәр күлмәк кигән,
Зәңгәр гөлләр сөйгән
Зәңгәр күзле кызны сагынам..

Уй-моңнарым аша
Җырлы хисләр таша
Әйтелмәгән әйтер сүзем бар..
Олы мәхәббәтем -
Сафлык белән бөтен.
Җырларымда яши тәүге яр..