08. Каб казалi

I.
Мне самотна, я гляджу ў акно.
Сумны позірк на дрэвы кідаю
У жыцці ўсё ня так як у кіно,
У жыцці ўсё, браце, складаней.
Прада мной многа розных дарог,
Трэба выбраць адну з усіх усялякіх.
Ды не тую, што пройдзе ў астрог,
Не падобну на жыццё сабакі!

Пр:       
Я сцежку шукаю сваю ў жыцці
І ведаю лёгка ня будзе.
Праз цяжкасці кожнаму трэба прайсці,
Ды выйсці з іх, сябра, ня ў брудзе.

II. 
Ты зрабі ўсё для таго,
Каб імя тваё паважалі,
Каб усе прыходу твайго
Да сябе днём і ноччу чакалі.
Ты павінен пакінуць свой след!
След дабра для сваёй Беларусі!
Ды каб ведалі ўсе твой партрэт,
А пабачыўшы, былі не ў скрусе.

Пр:       
Я сцежку шукаю сваю ў жыцці
І ведаю лёгка ня будзе.
Праз цяжкасці кожнаму трэба прайсці,
Ды выйсці з іх, сябра, ня ў брудзе.