У полі, у полі карчомка стаяла

У полі, у полі карчомка стаяла,
А ў тэй карчомцы казакі гулялі (2р)

Казакі гулялі, дзевак намаўлялі,
Паедзем, паедзем, дзяўчынка і з намі. (2р)

Паедзем, паедзем з намі казакамі
Табе будзе лепей як у роднай мамы. (2р)

Ты дома ўсё ела што дзень хлеб аржаны,
А ў нас будзеш есці штодзень пітляваны,
А ў нас будзеш есці штодзень шатраваны.

Ты дома насіла ліповыя лыкі,
А ў нас будзеш насіць што дзень чаравікі. (2р)

Ехалі казакі лугамі, лясамі,
Прывязалі дзеўку да сасны касамі. (2р)

Заплакала дзеўка ўсімі галасамі,
Заплакала дзеўка усімі галасамі.

Хто ў лесе начуе няхай голас чуе,
А хто дочкі мае, ніхай навучае,
Ніхай з казакамі гуляць не пускае.