Эрзянка

Кирдянов Василий

(морави "При долине куст калины" моронть мелодиясо)

Козонь чачить тон, эрзянка?
Тон монень тарканть ёвтык.
Эрзянь тейтерь, эрзянь ава,
Тон седеем калавтык.

Кода ютат тон икельган,
Монь превень чаракадыть.
Эрзянь тейтерь, эрзянь ава,
Тонь кондят арасть мазыйть.

Череть нолдазь лавтов ланга,
Сельмесэть менелень сэнь.
Эрзянь тейтерь, эрзянь ава,
Сехте вечкеват монень.

Кува якан, ков а молян,
Тон свал аштят монь мельсэнь.
Эрзянь тейтерь, эрзянь ава,
А стувтоват тон монень.

Козонь чачить тон, эрзянка?
Тон монень витьстэ ёвтык.
Эрзянь тейтерь, эрзянь ава,
Тон седеем калавтык.