Райгуырæн зæхх (Чеджемты Æ., муз. – Е. Воложанин)

РАЙГУЫРÆН ЗÆХХ

Бæстæтæ бирæ сты, дуне — уæрæх,
Цард сæ æнхъæвзы фæрнæй.
О, фæлæ мады ад, Райгуырæн зæхх,
Зонын æрмæстдæр дæуæй!

Балцы уон искуы, хæстæг æви дард,
Амонд мæн хурмæ хæссы.
Æмæ Ирыстон цыма у мæ мад,
Афтæ мæ фæдыл кæсы.

Бауарзтон раджы нæ фæндыры цагъд,
Ме уæнгты рог цин зылди.
Арвæн йæ бæрзæндты урс цæргæс тахт,
Уый кæд мæ зæрдæ уыди.

Ирæн йæ куывды бон — цин æмæ хъазт,
Амонд Хуыцауæй куырдтон.
Ам æз лæппуйæ мæ сызгъæрин уарзт
Зæдтæн иронау дзырдтон.

Бæстæтæ бирæ сты, дуне — уæрæх,
Цард сæ æнхъæвзы фæрнæй.
О, фæлæ мады ад, Райгуырæн зæхх,
Зонын æрмæстдæр дæуæй.