Тау башында усак Сл. М. Рямова муз. Д.Султанова,аранж.А. Акилова.

Шәжәрәмде юллап, туғандарҙы барлап,
Ҡайтам әле һиңә ауылым.
Һыуҙарыңдың тәмен, урмандарың йәмен
Һағынып та әрнеп яныуым.

Муйылдар аҡ гөлгә күмелгән бер мәлдә
Ҡаршы тауҙан һиңә бағайым.
Киске тын һиллектә, күҙ һалып йәшлеккә,
Тау башында усаҡ яғайым.

Ҡайындарың шауын, үҫмер ҡыҙҙар моңон
Йылдар аша өҙөлөп һағынам. 
Йөрөһәм дә ҡайҙа ҡалаһың гел уйҙа,
Һиңә генә ауылым табынам.