Бер курешу узе бер гомер (Оскар Усманов муз. Эльвира Сафина суз)

Бер күрешү – үзе бер гомер 

Борчу-мәшәкатьтән арыганда 
Кайтамын мин туган ягыма. 
Әти-әни, туганнар янында 
Рәхәт икән минем җаныма. 

Кушымта: 
Эх, күңелле икән очрашулар, 
Бер күрешү – үзе бер гомер. 
Якыннарың белән күрешкәндә, 
Шатлык – арта, борчулар – кими. 

Бәйрәмемне якыннарым бизи, 
Күңел җырлый андый чакларда. 
Яратуны сатып алып булмый, 
Саф хисләрне кирәк сакларга. 

Бергә-бергә яшәүләре җиңел, 
Сөенәмен дуслар булганга, 
Якыннарым белән курешкәндә 
Шатлыкларым артып торганга.
Кушымта: 
Эх, күңелле икән очрашулар, 
Бер күрешү – үзе бер гомер. 
Дус-туганнар белән күрешкәндә, 
Шатлык – арта, борчулар – кими.