Аркалардан арпа урайык

Аркалардан арпа урайык,
Тугайларга төшеп кунаек,
Бер алманы бишкә бүләек,
Бер алманы бишкә бүләек,
Беребез өчен беребез үләек.

Түгәрәк тә, һай, киң ялан,
Ат уйнатам дисәң, тау яман;
Җил җилләми курай селкемни,
Җил җилләми курай селкенми,
Бер җырламый йөрәк җилкенмәc.

Сөйләгәндәр, әй сөйләсен,
Ишетмәгән кеше булаек,
Аерылмаcлык дуcлар булаек,
Аерылмаcлык дуcлар булаек,
Бу дөнъяның кадерен беләек.

Бу дөнъяда, ай ни яман?
Яшьтән ялгыз калсаң — шул яман;
Җил җилләми томан ачылмый,
Җил җилләми томан ачылмый,
Бер җырламый күңел ачылмый.