Шатлык вальсы ( Гульнара Шаймухаметова суз) Челтерәп

Шатлык  вальсы

            1.Челтерәп көләләр җирдә чишмәләрем,
               Зәңгәр күкне нурлап кояш көлә.
               Елмая каршыма очраган кешеләр,-
               Күңелемдә шатлык:алар белә.
               
 
            2.Җемелдәшеп күктә бииләр йолдызлар 
               Урманда куышып җилләр уйный.
               Җир шары әйләнә;сөенәм,сөеләм,           
               Күңелем шатланып һич тә туймый.
               
             
           3.Сабантургай сайрап талпына һавада,
              Узыша кошларым моңнар түгеп.
              Шатлыкка,җырларга,моңга сусаганнар
              Килегез,-күңелемне бирәм бүлеп.