Плачь соловецких иноков (По грехом нашим...)

По грехом нашим на нашу страну
Попусти Господь такову беду.
Облак темныи всюду осени
Небо и воздух мраком потемни.
Солнце в небесех скры своя лучи 
И луна в ночи светлость помрачи.
Но и звезды вся потемниша зрак,
И дневный свет приложися в мрак. 
Тогда твари вся ужаснушася, 
Но и бездны вся содрогнушася 
Егда адский зверь сия разреши, 
От заклеп твердых нагло изскочи. 
Околь яростно испусти свой яд 
В кафолический красный ветроград.
Зело злобно враг тогда возреви, 
Кафоликов род мучить повели.
Честных иноков уловляхуся,
Злым казнением умерщвляхуся.
Всюду вернии закаляеми,
Аки класове пожинаеми.