Guerrieri - FLNC : 30 anni di lotta armata - Corsica Resiste -

Centu milla guerrieri anu francatu la bocca
Tutti vestuti di lume cun [bad word] #39;è cun tamburi
Facenu trimà la terra chì seranu l'auguri ?
Centu milla guerrieri anu francatu la bocca.

Fissanu un puntu luntanu, a vittoria chì s'avvicina
U nemicu soffrerà sterperanu u so locu
Pè di qual'hè u [bad word]  diceranu cù u focu
Fissanu un puntu luntanu, a vittoria chì s'avvicina.

Ma daretu à l'armata l'ultimu hà passu stancu
Carcu à sudor'è sangue trascina la so miseria
Luntanu dananzu à ellu c'hè una musica guerriera
Ma daretu à l'armata l'ultimu hà passu stancu.

Lu so cantu hè di silenziu è la so paroll'hè muta
Pensa à ciò ch'ùn hè più per ùn sente ogni sassu
Di stu caminu di croce chì ormai hè lu so chjassu
Lu so cantu hè di silenziu è la so paroll'hè muta.

Ma sintite la mio voce, sintite la mio canzona
Per l'ultim'umanità è per l'ultimu suldatu
Li so guai lu so sangue, u so passu trascinatu
Hè per ellu, ellu solu ch'eu cantu sta canzona.

Ma sintite la mio voce, sintite la mio canzona
Per l'ultim'umanità è per l'ultimu suldatu
Li so guai lu so sangue, u so passu trascinatu
Hè per ellu, ellu solu ch'eu cantu sta canzona.