Сени атынгы айтама

Музыка Аминат Шидаковой, стихи Кайсына Кулиева.

Къууанч сагъатымда
Не мыдах болгъанда,
Сени атынгы айта турама,
Мийик булутлагъа,
Джарыкъ джулдузлагъа
Сени хапарынгы сорама.

Припев:
Къамагъа джазылгъан,
Джылтыраб тургъан
Джазыугъа ушайды сени атынг,
Андан ариу джокъча,
Тюрленмей турлукъча
Кёрюнеди манга сыфатынг.

Припев.

Джолда кетиб бара,
Къар таулагъа къараб,
Санга джырларымы этеме,
Къарлы бугъойладан,
Чынгыл башларындан,
Атынгы айсам, тынч ётеме.

Припев.

Чолпан джулдуз – атынг,
Джарыкъ кюн – сыфатынг,
Джашау джолуму джарытхан,
Сен – шаудан сууумса,
Сен – джазгъы тангымса,
Тауланы джарыта атхан.

Припев.

Джырчыны кюйдюрген,
Джырчыгъа сюйдюрген,
Сен - ариуланы бирисе.
Джарлы назмучуну,
Ол джарлы джырчыны
Сен - джарыкъ тийген кюнюсе.

Припев.