Махаббат яшкэ карамый

Мәхаббәт яшкә карамый,
Мәхаббәт хискә карый,
Яратуның гөнаһы юк, 
Кайчан сөйсәң дә ярый.

Мәхаббәт ул сайлап тормый,
Олысын да яшен дә
Мәхаббәт ул һәр гашыйкның,
Һәркемнең үз яшендә.

Карамый ул картлыгына,
Карамый яшьлегенә
Мәхаббәтнең яше булмый,
Була күз яше генә.

Узеңә насыйп мәхаббәт,
Сиңа ничә тулса да
Килә бит ул килә барыбер,
Килә кайчан булса да.