Qırımda yaşa

Afize Yusuf-qızı: 
Çoq yıllar asret çekip qaytmaq içün kureştik. Er kes qaytsın yurtına! 
 Seyran 7'62: 
Biz Qırımda ve Qırımdan da ğayrı Vatanımız yoq...

 Seyran7'62:
Vatanından qaçma, cahillikten qaç!
Türlü allarda sabır büyük ilâc,
bizler içün, sizler içün ihtiyac.
Ana-Vatan evimiz, em de quvanç.
Ümüt er adamda bar inkişaf yolunda.
Ve sen, sen, sen de bu sırada,
bu sırada olmaq kereksin halq ile.
Ğurbet degil de, seni Qırım bekley!
Ğurbette biz olsaq, ecnebiy sayılamız,
anda müsafir kibi olıp qalacamız.
Onıñ içün Qırım - Yurtımız. Er kez
bunı unutmasın soñki nefesecez.
Vatan avasını almaq, yaşamaq
bizge qısmet oldı bir birinen qonuşmaq.
Mında da qoranta qurmaq borcumız.
Bundan da hayırlısı yoq 100 faiz!

 Afize Yusuf-qızı:
Biz Qırımda, Qırımda!
Şükür olsun Allahqa!
Qırım - bizim Yurtımız,
Muqaddes toprağımız.
Sen Qırımda olmasañ,
Qaytıp kel Vatanıña,
Qırım evlâdı olsañ
Mutlaq Qırımda yaşa!

 Seyran7'62:
Suv üstünden keçip 91-ncı senede
Qırımğa ayaq bastım birinci kere.
Vatan kibi yer olmaz, Vatan ile bir nefes.
Onıñ emiyeti iç bir vaqıt deñişmez.
Yarımada bügün-yarın saña, maña
qollarını aça. Hoş keldiñ toprağıña!
Men mında, Qırım yüregimde.
Qızıltaş, Ayuv Dağ, Eltigen köz ögümde. 
Çatır Dağ, ya da Qara Dağ saña yaqın?
Maña farqı yoq - episi bizim Qırım.
Sen Qırımnı bıraqsañ - nasıl Vatanperversin?
Ğurbetten tek bir selâm yollap sen
bu yeter belleysinmi? Yañlışasın.
Vatanperver olsan, Vatanıñı bıraqmazsın.
Ömür billâ uzaqlarda yaşasañ
Qaytıp kel mında Qırımlığıñ olsa...

 Afize Yusuf-qızı:
Biz Qırımda, Qırımda!
Şükür olsun Allahqa!
Qırım - bizim Yurtımız,
Muqaddes toprağımız.
Sen Qırımda olmasañ,
Qaytıp kel Vatanıña,
Qırım evlâdı olsañ
Mutlaq Qırımda yaşa!