02 Приими мя, пустыня (глас 8)

Приими мя, пустыня,
Яко мати чадо свое,
В тихое и безмолвное
Недро свое.
Не брани, пустыня,
Страшилищи своими
Отбегшаго от лукавыя
Блудницы мира сего.
О прекрасная пустыня,
Веселая дубравица!
Возлюбих бо тя паче
Царских чертогъ
И позлащенных полатъ.
И поиду
По красному твоему винограду
Различных цветець твоихъ,
Дыхающе от воздуха
Малого ветрецем,
Движуще у древец
Ветвие свое кудрявое.
И буду яко дикий зверь,
Единъ скитаяся
и бегая человекъ
И многомятежныя сея жизни,
И седя, плача и рыдая,
Во глубоком и диком
Недре твоем:
О Владыко Царю!
Насладил мя еси
Земеныхо благ,
Не лиши мене
И Небеснаго твоего Царствия.