Небо И Земля Днесь Пророчески Да Возвеселятся (Стихира На Литии)

Небо и земля днесь пророчески да возвеселятся,
Ангели и человецы духовно да торжествуют,
Яко Бог во плоти явися
Сущим во тьме и сени сидящим,
Рождейся от Девы,
Вертеп и ясли прияша Того,
Пастырие чудо проповедуют,
Волхвы от востока в Вифлеем дары приносят;
Мы же хвалу недостойными устами ангельски Тому принесем:
Слава в вышних Богу и на земли мир;
Прииде бо чаяние языков,
пришед спасе нас от работы вражия.