Ник чыкмыйсың бакчабызга?

Картлар яткач,ай калыккач,
Турыгыздан үткәлим.
Ник тәрәзәң пәрәдәләрен
Күтәрмисең-үпкәлим.

Ник чыкмыйсың бакчабызга,
Шомыртлар чәчәк ата.
Бер-берсен сөяләр дигән
Сүз йөри безнең хакта.

Кеше теленә кергәнбез,
Бик сирәк күрешсәк тә.
Ә ник соң тагын очрашып,
Серләрне бүлешмәскә?

Көн дә сөйләшәсе иде,
Күңелләр юанганчы.
Чык син,чык син бакчабызга,
Олылар уянганчы.