Voce 'e notte (итал.; муз. Эрнесто де Куртиса - ст. Эдуардо Николарди)

La canzone napoletana / the Neapolitan song

Text:
Si 'sta voce te sceta 'int' 'a nuttata,
Mentre t'astrigne 'o sposo tujo vicino,
Statte scetata, si vuò stà scetata,
Ma fa' vedè ca duorme a suonno chino.
Nun ghì vicino ê llastre pe'ffà 'a spia,
Pecché nun può sbaglià, 'sta voce è 'a mia.
E' 'a stessa voce 'e quanno tutt'e duje,
Scurnuse, nce parlavamo cu 'o "vvuje".
Si 'sta voce, che chiagne 'int' 'a nuttata,
Te sceta 'o sposo, nun avè paura.
Dille ch'è senza nomme 'a serenata,
Dille ca dorme e che se rassicura.
Dille accussì: "Chi canta 'int'a 'sta via
O sarrà pazzo o more 'e gelusia.
Starrà chiagnenno quacche 'nfamità.
Canta isso sulo, ma che canta a fà?"
"Starrà chiagnenno quacche 'nfamità.
Chiagne isso sulo, ma che chiagne a fà?"

music: Ernesto De Curtis,
lyrics: Eduardo Nicolardi
year: 1904