Сыр о актёро дылыно дрэ дар

Сыр о актёро дылыно дрэ дар
Прэ сцэна выпэрэла патринятыр —
Ёв холямо хачёла сыр вангар
И нашавэла э годы холятыр... —

Адякэ ж мэ. Дарава — паруды!
Забистырдём татэ лава хуласкрэ!
Ґалёв, э зор илэстыр нашады,
Киркипэна ман хана камлыпнаскрэ...

Мэк мрэ лыла годяса ракирэна,
Со про ило. Ёнэ сы чибалэ.
Соб ту тэ плэскирэс, ёнэ пхэнэна.
На чиб мири — ада лыла чиндлэ...

Дыкх прэ лава. Ило лэн бичавэла.
Коли камэс — тиро ило шунэла...