Ойленат йӧратем

Поро кумылет, ныжылге мутет,
Ах, кузе моштет тый илаҥден йомакым.
Таче мыланем йоҥгыш ныжыл сем,
А эрла кӧ дене шоктет гармоньым?

"Йӧратем, йӧратем, тыйым вел йӧратем"
Шинчашкемже ончен ойленат тый.
"Йӧратем, йӧратем, тыйым вел йӧратем"
Шинчашкемже ончен ойленат тый.
Ай-яй-яй

Мый ӱшаненам, самырык лийынам.
Поро кумылет савырен шӱмемжым.
Ынде мый палем, йоҥылыш лиймем,
Ойло весылан ныжыл йомакетым.

Эн поро мутемым тыланет ойлем,
Эн мотор муремым тыланет мурем.
Нигушкат ом вашке, тыйым вел шонем
Ит кудалте мыйым, поро йолташем.
Йомын йӱд омемже, тыйым вел шонем,
Тыланет кава гычын шӱдырым волтем
Шинчашкет ончалын, угычын ойлем:
"Йӧратем мый тыйым, тыйым йӧратем.