Адамды бизни атыбыз

Бийикдиле тауларыбыз, 
Бек кёпдюле жауларыбыз ,
 Эшитилсинле дауларыбыз , -
Адамды бизни атыбыз ! 

Азды жерибиз , малыбыз,
Жетмейди адам саныбыз , 
Дагъы жилямайд жаныбыз,- 
Адамды бизни атыбыз!

Припев 
Айтама , къулакъ салыгъыз ,
Хатадан кери къалыгъыз,
Сезюмю эсге алыгъыз,-
Адамды бизни атыбыз! 2 кере

Къарангыды ёз халкъыбыз , 
Бирликди тутхан антыбыз , 
Келгеннге барды хантыбыз ,-
Адамды бизни атыбыз!

Алгъа барайыкъ , сурап ыз , 
Кёп къыйналса да жаныбыз ,
 Толур этген муратыбыз , -
Адамды бизни атыбыз !  2 кере

припев