Памаш дене

Эр лупсеш мушкам йолемым,
Памаш вӱд деке куржам.
Йӱштӧ тамле эм гай лемым,
Налын кидыш,подылам.
Йӱштӧ тамле эм гай лемым,
Налын кидыш,подылам.

Ӱжеш чон вел чодырашке,
Тудын южше ден руштам.
Муро наҥгая торашке,
Лачак мые шкет улам.
Муро наҥгая торашке,
Лачак мые шкет улам.

Сур куку мура шкет мурым,
Илышем мыйын шотла.
Шӱм-чонемым, арам туржын,
Кӱлткен пагыт ден пырля.
Шӱм-чонемым, арам туржын,
Кӱлткен пагыт ден пырля.

Ом ӱшане ойган кайык
Тулык тый шкежат улат.
Оҥем тич мыйын усталык
Пиалем дене куат.
Оҥем тич мыйын усталык
Пиалем дене куат.