Æнустæм уарзт (осетинская... красиво звучит, жаль что язык непонятный)

Слова Мадины Тедеевой

Æрмæст дæуæн ысхуддзынæн,
Æрмæст нæ уарзтæн кувдзынæн.
Нæ ратдзынæн дæу никæмæн,
Æнустæм дæ æз уарздзынæн.

Фæндагыл дыл куы 'рталынг уа —
Æрттивгæ стъалы фестдзынæн.
Дæ зæрдæйы куы 'рæнкъард уа —
Булæмæргъау дын зардзынæн.

Ды истæуыл куы маст кæнай —
Дæ цæссыгтæ дын нуаздзынæн.
Дзынга дæр дыл куы фæхæца —
Мæ хъарм туг æз дын ратдзынæн.

Ды уазалы куы баргъæвсай —
Мæ пъатæй дæ ысхъарм кæндзæн.
Ды истæмæй куы ысхъæрзай —
Уайтагъд дæ цуры фестдзынæн.

Зын цардæй ныфс куы фесафай —
Уæд дæм мæ тыхтæ бауадздзæн.
Ызнаг дын марг куы æркæна —
Уæд æй дæ бæсты баназдзæн.

Нæ уарзт куы уа æнæфидæн —
Дæу аххосаг нæ кæндзынæн:
Мæ зæрдæйы дæ дардзынæн,
Æнустæм дæу æз уарздзынæн...