Ташши, ташши

Ташши, ташши
Сала кайăк ташши
Сала кайăк ташши мар
Пирĕн Шелтем ташши

Опа-хопа,
Опа каламăллă
Никама та ним те туман
Çавăнпа савăнмăллă

Ах, тесе ма калас
Ман чуна ма çунтарас
Хам савнине ютта парса
Ютта ма савăнтарас

Велосипед, велосипед
Такăр çула юратать
Велосипед çинчи каччи
Ав çак хĕре юратать

Урампа пырать машина
Вăл - огнеопасно
Çакă ялăн хĕрĕсемпе 
Çÿреме опасно

Сирĕн ялăн каччисем 
Самолётпа вĕçеççĕ
Эрех пички тĕлне çитсен
Парашютсăр сикеççĕ