Кюндюз кюнде, кече айда

Кюндюз кюнде, кече айда
Кёреме мен сюйгеними.
Ол ышарса манга къараб,
Къууандырад жюрегими.

О, сюймеклик, сен ариуса!
О, сюймеклик, сен татлыса!
О, сюймеклик, бу дунияда
Бар эсенг сен, бир кел манга.

Сени излей, насыб сакълай
Ётедиле кюнле, айла.
Бу дунияда сенден сора
Жокъду тенгим, ийнан анга.

Къаракъашым, сен къайдаса,
Манга тансыкъ нек болмайса?
Кече-кюн да жюрегими
Къычырыгъын нек эшитмейсе?

Ийнанама, ариуса сен
Толу айча, жарыкъ кюнча.
Ийнанама, келирсе сен
Жашаума жарыкъ жырча.

Кёкде бийик сен учаса.
О сюймеклик, бу дунияда
Бар эсенг сен, бер кел манга.