Син насыйп түгел миңа

Сөям диеп,көям диеп,
Йөрмә син артларымнан.
Башка берәү йөрәгемдә,
Башка берәү җанымда.

Җавап көтмә, җавап көтмә
Эчкерсез сөюеңә.
Син миңа насыйп түгелсең,
Мин насыйп түгел сиңа.

Сөям, яратам дисәң дә,
Сиңа җавап бирмәмен.
Мин бит һич тә сине түгел,
Мин башканы сөямен.

Мәхәббәтең өчен сиңа
Рәхмәтлемен гомерле.
Ач күзеңне, сиңа дигән
Яныңда тора бәгырең.