Пар балдаҡтар (Ф. Париж һүҙҙәре, Р. Зарипов көйө)

Алтын балдаҡ кейеп етәкләшеп, 
Парлы ғүмер үтмәй заяға.
Юйылмаҫҡа яҡты эҙе ҡала
Яңы һулыш килер яҙҙарҙа.

Парлы, парлы, парлы булһын
Парлы алтын балдаҡтар
Парлы үтһен алтын ғүмер
Тотоношоп ҡулға ҡулдар.

Ҡулдарымды ҡулдарыңа бирәм
Алтын балдаҡ бөгөн кейәбеҙ
Аҡ ебәкле һөйөү сорнап алған
Иң бәхетле кәләш кейәүбеҙ.

Парлы, парлы, парлы булһын
Парлы алтын балдаҡтар
Парлы үтһен алтын ғүмер
Тотоношоп ҡулға ҡулдар.

Ышанысым, таянысым минең
Һин бит йәрем, ғүмер юлдашым
Ят ҡулдар беҙҙе айырмаһын
Беҙҙең парлы балдаҡ яҙмышын.