Күлүк буолбут дьоннор

Харахтарбын симэммин, хараҥаҕа түһэбин.
Хаайтарбыт санаалар хайыта тыыталлар.
Хал буолбут олохтоох күлүк дьоннор ааннарын
арыйаммын киирэммин күндү ыалдьыт буолбутум.

Хаайтарбыт ыралаах, өһөн хаалбыт харахтаах,
күн сырдыгар үөрбэт-көппөт, үлэ-көлө таҥаралаах - 

Күлүк буолбут дьоннор түһэр тойук ырыаларын
ол түүн истибитим, ылласпытым, ытаспытым...
Күлүк буолбут дьоннор түһэр тойук ырыаларын
ол түүн истибитим, ылласпытым, ытаспытым...

Харахтарбын симэммин, хараҥаҕа түһэбин.
Хаайтарбыт санааларым хайыта тыыталлар. 
Күлүк буолбут дьоннор...

Күн сырдыга өр кэмҥэ бүөбэйдээн, иитэн таһааран,
күн оҕолоро этибит биһиги эмиэ - 
Күөх хонууга сырсарбыт мэник тыал буоламмыт,
нуоҕайа тылларбыт олох сибэккитэ буолан...

Күлүк буолбут дьоннор түһэр тойук ырыаларын
ол түүн истибитим, ылласпытым, ытаспытым...
Күлүк буолбут дьоннор түһэр тойук ырыаларын
ол түүн истибитим, ылласпытым, ытаспытым...