Тый дечет посна

Тый дечет посна суртет сурт огыл,
Яраш кодшо идымла чучеш.
Кычырикын ик верен я весын,
Перкала омсатым йӱд мардеж.
Тый дечет посна ок шыргыж кече,
Ок воло тӱняшке кечыйол.
Окна шамыч сур пыл гае ийыт,
Тый дечет посна мый тыш ом тол
        
Припев (Таҥсем)
Тый дечет посна, тый дечет посна
Йомшо сур турняла йыр пӧрдам.
Шӱдыран каваште ок кой шӱдыр
Йӱд шуэш – омем тылат кӱрлам.

2.
Тый дечет посна чыла ужарге,
Когарген, йӱлен, шемем шинчеш.
Ныжыл муремат логар пундаште
Неле комыля гаяк лиеш.
Тый дечет посна суртет сурт огыл,
Яраш кодшо идымла коеш.
Шӱм кыраш ала пасу капкала
Тый дечет посна йымен йомеш.

Припев (Таҥсем)
Тый дечет посна, тый дечет посна
Йомшо сур турняла йыр пӧрдам.
Шӱдыран каваште ок кой шдыр
Йӱд шуэш – омем тылат кӱрлам.

3.
Тый дечет посна суртет сурт огыл
Яраш кодшо идымла чучеш.
Тый дечет посна ок шыргыж кече,
Перкала омсатым йӱд мардеж

Припев (Таҥсем)
Тый дечет посна, тый дечет посна
Йомшо сур турняла йыр пӧрдам.
Шӱдыран каваште ок кой шӱдыр
Йӱд шуэш – омем тылат кӱрлам.