УМЫРЗАЯ -Подснежник (Татарская нар. песня)

УМЫРЗАЯ
(ПОДСНЕЖНИК)

1.

Боз катлавы эрегәч, җир өстенә
Умырзая чыга, карагыз:
Умырзая чыга,
Умырзая калка,
Умырзая суза сабагын.

2.

Боз катлавы кебек көнкүрештән
Чыгасым ла килә тизерәк,
Умырзая кебек,
Умырзая кебек,
Умырзая кебек тиз үрләп...

3.

Умырзая бик тиз үсеп чыга,
Бик аз гына яши тураеп,
Умырзая бик тиз
Башын аска ия,
Умырзая сула моңаеп...

4.

Юк, мин яшәр идем, җәй ясаучы
Зур чәчәкләр белән җыелып,
Юк, мин үлмәс идем
Умырзая кебек,
Умырзая кебек боегып...