Айджаякъ

Музыка и стихи Касбота Кочкарова (Багъыр улу) (1834-1940).

Айджаякъ, ала джаулугъунг
Ариу джарашады бойнунга.
Кёгюрчюн болуб сен къалсанг,
Сылай, тутар эдим къойнумда.

Кёзлери кёзюр ойнайла,
Сёзлери джюрек байлайла.
Ой! Андан ариу болурму?
Аны къаллай кёбле сайлайла?

Акътуякъ аджир берликди
Анга келечилик айтханнга.
Джети джандет бош болсун,
Ой, аны ариулугъун табханнга!

Ай кёкге бачхыч салгъанды
Кёкде булутланы чачаргъа.
Анга эки къанат битгеед
Айджаякъны алыб къояргъа.

Джаш таралады, ёледи.
Анга къайнайды сарыуу.
Айджаякъны алыб къачаргъа,
Ой, джокъду аны къарыуу.