Джуджыд керöсын

ДЖУДЖЫД КЕРÖСЫН...
Кывъясыс П.Шеболкинлöн Музыкаыс народнöй

Джуджыд керöсын,
Гажа нöрысын
Öтнас ён керка сулалö дыр.
Юсянь зэв ылын,
Сиктсянь зэв ылын,
Сöмын тыдалö вöр да сьöд мыр.

Керка бердöдыс,
Дзоля эрдöдыс
Дзольгö–визувтö ичöтик шор.
Пулöн шувгöмыс,
Тöвлöн увгöмыс
Öтка керкаö кылö кöть кор.

Рытын волывлö,
Сёрöдз овлывлö
Визыв шор дорын том, мича ныв.
Нора сьывлывлö, –
Ылöдз кывлывлö,
Сöмын Ваньукöй сiйöс оз кыв...

Гажа овлiсны,
Пöра кольлiсны
Ванькöд öтлаын уна нин во.
Призыв восьтiсны –
Ваньöс босьтiсны...
Гöрд салдатын служитö кык во.

Олöм–вылöмнас,
Гора сьылöмнас
Том ныв пальöдö ассьыс ён шог;
Быд вой вöталö,
Частö мöвпалö.
Ваньыс дырö нин бöрсö оз лок.

Арся пöраын
Джуджыд гöраын
Öтчыд тыдовтчис шынеля морт.
Аддзис Аннушыс:
Локтö Ванюшыс.
Локтö том нывлы нэм кежлас ёрт.