Сусау (муз. С. Садыковой, слова С. Хакима, аранжировка Искандера Гафаров

Сусау!
Күнелгә минем, туган як, 
Бигрәк тә якын шул син. 
Кырларың өстеннән искән 
Җилләргә хәтле сусыйм.

Тезләнәм чишмәләреңә, 
Бетми тик сусау гына. 
Мин бәхетле бары тик син 
Бәхетле булсаң гына.

Ник болай сагышлы иттең 
Бу кадәр мине соң син?! 
Аерылып бер көн дә узмый, 
Яңадан сиңа сусыйм.

Ник болай гомерем буена 
Бетмәгән сусау икән? 
Сусаудан янган күңелгә 
Су салып торсаң икән.