Къарылгъач (минусовка)

Музыка Маджита Ногайлиева, стихи Юсуфа Созарукова.

Джаным-кёзюм, къарылгъач,
Кёлюнгю менге бир ач,
Нексе мыдах сен бюгюн?
Чыкъмай джарыкъ ауазынг,
Шош болгъанды арбазым,
Тийгенликге джазгъы кюн.

Ингир ала юйюме
Къайтыр эдим, сюйюне,
Мен кимиме къайтайым?
Джюрек джараларымы,
Мыдах сагъышларымы
Мен кимиме айтайым?

Сууукъ къабыргъалагъа
Кёлюмдегин тарыгъа,
Джылы джууаб излейме.
Джууабсыз къоюб ала,
Джангызлыкъ бла мен къала,
Ауазынгы кюсейме.

Джаным-кёзюм, къарылгъач,
Сагъышымы сен бир чач,
Кёлюме бир себеб бол.
Къарыу ала джарсыуум,
Озуб барад джашауум,
Кёрюнмейди джарыкъ джол.