Закат Над Болотам

Рука ў руцэ, далонь на далоні.
Яны ўжо падрыхтавалі месца на эшафоце.
Прымусілі паверыць, што я шчаслівы і вольны.
Залатая псеўдасвабода ці палон у балоце.

Ніякай чалавечнасці ні з захаду, ні з усходу,
Якія так любяць будаваць пустыя размовы.
Нафта - багацце даражэй людзей з года ў год.
Мы засталіся адны, без гісторыі і мовы.

Яшчэ адна старонка ў школьным падручніку, 
Яшчэ адна песня пра тых, хто зараз за калючым дротам.
Паклон тым, хто загінуў, паклон кожнаму пакутніку.
Палон у балоце, заход над балотам.