"Яратып кара әле"

Бер кереп кара утларның
Ялкынлап янганына.
Ышанырсың шикләнмичә,
Сүзләрнең калганына.

Сораулар биреп йөдәтмә,
Хәлемне аңла әле.
Бер генә көнгә булса да,
Яратып кара әле.

Ниләр генә әйтсәләр дә,
Ярату җиңел түгел.
Тик шулай да изгерәк шул
Ярата белгән күңел.

Сораулар биреп йөдәтмә,
Хәлемне аңла әле.
Бер генә көнгә булса да,
Яратып кара әле.

Яратмыйча яшәүчеләр
Бәхетсез җаннар икән.
Яратып- көеп яшә син,
Сөюең булсын җилкән!

Сораулар биреп йөдәтмә,
Хәлемне аңла әле.
Бер генә көнгә булса да,
Яратып кара әле.