Желаю Тебе (Аварская)

Росасе кьезе г1урай

Г1анч1ай дир маг1арулай

Г1енекке хабаралде

Дица дуе бицунеб

Инсул рукъ тезе ккарай

Талих1 кьеяй бах1арай

Бугин цодагьаб гьари

Дуе гьабизе рекъараб

Бугин цодагьаб гьари

Дуе гьабизе рекъараб

Дуе вокьулев вас щвайги

Дуе хирияв рос щвайги

Хварал къоялъ гурони

Рат1алъизе ккогеги

Вокьулеста къвалги бай

Къабуласта кверги ч1вай

Ч1ух1дае гьаб ракьалда

Вокьулев росгун хьваде

Ч1ух1дае гьаб ракьалда

Вокьулев росгун хьваде

2.

Адаб гуреб бицунге

Бокьулареб гьабуге

Инсул рокъое г1адинан

Г1одой йиччан йик1унге

Рек1ее вокьарасда

Кьили ч1вазе лъугьунге

Ч1олохъ жоги кодоб ккун

Киниги гьев вачунге

Ч1олохъ жоги кодоб ккун

Киниги гьев вачунге

Цо г1аиб батанани

Г1емерлъизе гьабуге

Гьесул хасият какун

Киниги гаргадуге

Горбода къвал балаго

Ц1унц1удизе лъугьунге

Ч1ух1араб г1амал гьабун

Гьесда суризе гьаюге

Ч1ух1араб г1амал гьабун

Гьесда суризе гьаюге

3.

Росас малъараб гьабе

Гьесие бокьахъе хьваде

Якьад-вакьадалъулги

Даимго х1урмат гьабе

Х1алихьат данде ч1вазе

Гьударулеб г1амал те

Г1акълу дуда батани

Дица малъухъе йик1а

Г1акълу дуда батани

Дица малъухъе йик1а

Рос Бат1ияв ватани

Аск1о рекъезе гьаве

Гьекъолдухъан вахани

Гьелъиеги г1амал гьабе

Шагьрал нухал ч1ахъайги

Гьеб бихьуларел бихьинал

Руччабазухъ х1асралъун

Гьей г1адин тамахлъулел

Руччабазухъ х1асралъун

Гьей г1адин тамахлъулел

Сапаралъ унеб къоялъ

Къвал-бак1 къочун т1овит1е

Тlад вусарав мехалъги

Гьабгу жо такрар гьабе

Даим гьедин хут1айги

Халатаб г1умро кьейги

Дур вокьулевги мунги

Цоцазе хиралъайги