Дæ зынг ахуысса, сау рæсугъд…

Дæ зынг ахуысса, сау рæсугъд,
Куы мæ бафтыдтай катайы, гъей.
Дæ иу бакастæй, сауæрфыг,
Хуссары митау атайын, гъей.

Калачы идон балхæдтон —
Гуры мын дзыллæ разынди, ой.
Чызгайæ мæхи хъахъхъæдтон,
Уый та мын уарзон разынди, ой. 

Сусхъæдæй бандон сарæзтон,
Æмæ мын уый дæр басыгъдтой, ой.
Сусæгæй уарзон равзæрстон,
Æмæ мын уый дæр базыдтой, ой.

Ма мыл фæхудут, хорз адæм,
Ма мыл ыскæнут зарджытæ, ой.
Зæгъут-ма уыцы æррайæн:
«Æрбарвит æд фидауджытæ», ой.

Рацагъд.

Цæгатаг рæбын уазал у —
Æппынæдзух дзы салд вæййы, ой.
{Чызгай, фыр уарзтæй атайын —
Æлхуыйы йас дæр нал вæййын, ой.} x2

Уалдзыгон къæвда донласт у,
Æдзухдæр æм нæрын цæуы, ой.
Чызджы зæрдæ бынтон саст у,
Æдзухдæр æм кæуын цæуы, ой.

Слова и музыка народные

«Музыкальная культура осетин» © 2012 [bad word] ossmus
¯¯\/¯¯¯¯¯¯¯¯¯
☻/
/▌
/ \