Гольык пыд ("Шутка" В.Гаврилина и А.Шульгиной)

Ш У Т К А /// С Е Р Е М Ч И
В. Гаврилин – А. Шульгина

1. Куазь зоре тани,
Выльысь зоре ини,
Куазь дурыныз кисьтэ, кисьтэ!
Юмшаны иське
Кырын уг луы ке,
Кема ум кайгыре со пумысен! – 2пол

Мон шулдыр крезьгур,
Али шулдыр крезьгур,
Пукто сыӵе крезьгур, – 
Ваньзэ йырин-чукинто!
Кушты со сюбег 
Катаостэ кысык,
Пыдъёстэ кыль но экты гольык пыд! – 2 пол 

2. Нош укно сьöрын
Весь гудыръя кырын,
Гурырилы кельшиз садын!
Нош шульыкмем сирень,
Зорлэсь котмем сирень,
Кинэ ке но, шöдске, вите сирень! – 2 пол

Мон шулдыр крезьгур,
Али шулдыр крезьгур,
Пукто сыӵе крезьгур, –
Ваньзэ йырин-чукинто!
Кушты со сюбег 
Катаостэ кысык,
Пыдъёстэ кыль но экты гольык пыд! – 2 пол 

3. Зор уг жадьы, ми
Ваче ум жадиське,
Ми чик ум жадиське ӵошен,
Ох, эктэ корка – 
Люстраосыз сэзъя, 
Пель угыез сямен шулдыр сэзъя! – 2 пол

Мон шулдыр крезьгур,
Али шулдыр крезьгур,
Пукто сыӵе крезьгур, –
Ваньзэ йырин-чукинто!
Кушты со сюбег 
Катаостэ кысык,
Пыдъёстэ кыль но экты гольык пыд! – 2 пол 

(Удмурт кылэ берыктӥз Юлия Разина)