Туганнарым гел сезнең белән

Туганнарым гел сезнең белән
Артур Туктаголов көе Әсхәр Кәшфуллин сүзләре

Туганнарым сезнең белән
Очрашсам, баеп калам.
Татлы хисләргә тулышып,
Талпынып канат кагам.

Туганнарым, сезне күргәч,
Яшьлеккә кайтып калам.
Сагышка тулган чакларда
Сездән көч-гайрәт алам.

Туганнарым, сезнең күңел —
Чәчәкле, нурлы алан.
Гомерләр тату үткәнгә
Гел сезнең белән калам.

Туганнарым, өшегәндә
Мин кояш булып багам.
Җыр моңнарымны да бит мин
Сезнең күзләрдән алам.

Туганнарым, сез — гөлләргә
Тамчылар булып тамам.
Үзегез дә күрәсез бит,
Сагынган чагым тамам.

Әй, туганнар, туганнар,
Бердәм яшәек әле!
Бергә җырлап, бергә уйнап,
Гөрләп яшәек әле!