Сәбәп тап

Язлар әле алда димә,
Вакыт атын әйдәп чап.
Язларны юлда каршылыйк,
Күрешергә сәбәп тап

Язлар,җәйләр үткән булыр
Бер борылып карасак.
Гомерләр зая узмасын,
Бер күрешергә сәбәп тап.

Кошлар китәр,казлар китәр,
Көзге вакыт алтын чак.
Вакытлар әрәм булмасын,
Күрешергә сәбәп тап

Язлар,җәйләр үткән булыр
Бер борылып карасак.
Гомерләр зая узмасын,
Бер күрешергә сәбәп тап!